"СОНГУУЛИЙН АМЛАЛТЫН ХЯНАЛТ" ЗАЛУУЧУУДЫН ИРГЭНИЙ НИЙГМИЙН СҮЛЖЭЭ

Улс төрийн намуудын сонгуулийн амлалт, мөрийн хөтөлбөрийн хэрэгжилтийг хянах, нөлөөлөх зорилгоор Сонгуулийн амлалтын хяналт иргэний нийгмийн сүлжээ" байгуулагдлаа. Сүлжээнд 8 төрийн бус байгууллага, бүлэг сайн дурын үндсэн дээр нэгдэн, 2020 оны 10 дугаар сараас "Залуучууд, эмэгтэйчүүдийн сонгууль, улс төрийн оролцоог идэвхжүүлэх нь" хөтөлбөрийн дэмжлэгтэйгээр ажиллаж байна.

Сүлжээнд есөн төрийн бус байгууллага нэгдснээс гурав нь орон нутгийн байгууллага хамтран хамтран ажилладаг. 
  • Бид сар бүр уулзаж, мэдээлэл солилцож, үйл ажиллагаагаа төлөвлөн ажилладаг.
  • Бид сонгуулийн амлалт, мөрийн хөтөлбөрийн дүн шинжилгээ, нөлөөллийн цуврал сургалтанд хамрагдаж, нөлөөллийн чадавхаа бэхжүүлдэг.
  • Бид 2021 онд бодлогын нөлөөлөл хийн, сонгуулийн амлалтын хэрэгжилтийг хянахаар төлөвлөж байна.
Сүлжээний талаарх дэлгэрэнгүй мэдээлэл, хамтран ажиллахыг хүсвэл youthpolicywatch@gmail.com  цахим шуудангаар холбогдох боломжтой.

"МЭРГЭЖИЛТЭЙ ЗАЛУУСААР ОРОН НУТГАА ХӨГЖҮҮЛЬЕ!"

"АМЛАЛТЫГ ХЯНАЖ, АЮУЛГҮЙ ОРЧИНД АМЬДАРЪЯ!"
2020-2024 оны Засгийн газрын мөрийн хөтөлбөрийн 2.5.10-т "Томоохон бүтээн байгуулалт, үндэсний болон орон нутгийн хөгжлийн зорилттой уялдуулан мэргэжлийн боловсрол, сургалтыг төрөлжүүлж, хөдөлмөрийн зах зээлийн эрэлт, хэрэгцээнд бүрэн нийцүүлнэ," 2.5.15-д "Бүтээн байгуулалтын томоохон төслүүдийн үр дүнд болон хувийн хэвшил, жижиг, дунд үйлдвэрлэл, хөдөлмөр эрхлэлтийг дэмжих замаар 150 мянган ажлын байр шинээр бий болгоно" гэсэн (Сонгуулийн амлалтыг үзэх).

​Нөлөөллийн багийн хувьд "Дорноговь аймгийн бүтээн байгуулалтын хүрээнд нийгмийн түншлэлийг бэхжүүлэх, МСҮТ-ийн сургалт, үйл ажиллагаатай холбох жишгийг бий болгох" зорилго тавин дараах олон талт хэлэлцүүлгийг зохион байгуулав.
МОНГОЛ УЛСЫН ЗАСГИЙН ГАЗРЫН 2020-2024 ОНЫ ҮЙЛ АЖИЛЛАГААНЫ ХӨТӨЛБӨР-ийн 6.1.7-д “Явган хүний зам, унадаг дугуйн зам, хүүхдийн тоглоомын талбай, ногоон байгууламжийг нэмэгдүүлж, тоосжилтыг 50% бууруулна” гэсэн (Сонгуулийн амлалтыг үзэх). 

Нөлөөллийн багаас Засгийн газрын мөрийн хөтөлбөр болон УИХ-д суудалтай 4 намын сонгуулийн мөрийн хөтөлбөрт тусгагдсан “Ээлтэй орчин”-ыг бий болгохтой холбоотой амлалт хэрэгжиж буй эсэхийг Чингэлтэй дүүргийн 3 хороо (гэр хорооллын хороод болох 17, 18, 19)-ын жишээн дээр баримтжуулж, амлалтыг хэрэгжүүлэх арга замыг тодорхойлоход залуусын дуу хоолой, оролцоог хангахаар төлөвлөж байна. Ийнхүү тодорхойлсон асуудлыг Чингэлтэй дүүргийн Засаг дарга, Иргэдийн төлөөлөгчдөд хүргэх юм.