"ЗАЛУУС СОНГУУЛИЙН АМЛАЛТЫГ ХЯНАХ НЬ" |
|
Монгол Улсын Их Хурлын (УИХ) сонгууль 1992 оноос эхлэн 4 жил тутамд зохион байгуулагдаж, улс төрийн намууд нийгэмд эерэг өөрчлөлт авчрах, тулгамдаж буй асуудлуудын шийдлийг санал болгосон мөрийн хөтөлбөрөө танилцуулсаар даруй 8 сонгуулийн ард гарчээ. Ийнхүү 2020 оны 6 дугаар сард зохион байгуулагдсан сонгуулийн дараа УИХ-д 4 намын төлөөлөл сонгогдон, нэг намын дангаар бүрдүүлсэн Засгийн газар мөрийн хөтөлбөрөө хэрэгжүүлж эхлээд байна.
“Сонгуулийн амлалтын хэрэгжилтийг хэрхэн хянах вэ?” гэсэн асуултад хариулт өгөх анхны оролдлого бол бидний бүтээсэн энэхүү ДАТАБАНК юм. Тодруулбал, улс төрийн намуудын сонгуулиар иргэдэд санал болгож буй бодлогын шийдэл, мөрийн хөтөлбөрийн амлалтуудыг “ХҮНИЙ ХӨГЖИЛ”-ийн асуудалтай холбон үзэж буйгаараа онцлог. Учир нь сонгуулийн амлалтын дийлэнх хэсэг эдийн засгаа хөгүүлэх, уул уурхайн асуудлыг хэрхэн шийдэхдээ анхаарсан байна. Гэтэл Монгол Улсын Үндсэн хуулийн зорилго бол “Хүн”-ээ тэргүүнд тавьж, эдийн засаг, улс төр, нийгэм соёлын тогтолцоо хүндээ чиглэх ёстой гэсэн үзэл баримтлалыг хуульчилсан байдаг. Иймд бидний зүгээс 2016 онд НҮБ-ын Хөгжлийн хөтөлбөрөөс гаргасан “Залуучуудын хүний хөгжил”-ийн үндэсний илтгэлд тулгуурлан, улс төрийн намуудын мөрийн хөтөлбөрийн амлалтуудыг 3 асуудлын хүрээнд түүвэрлэн, бэлдээд байна. Эдгээрт, “Дээд болон мэргэжлийн боловсролын амлалт,” “Хөдөлмөр эрхлэлтийг дэмжих амлалт,” “Хүний аюулгүй байдлын амлалт” гэсэн агуулгыг интерактив хэлбэрт оруулан бэлдээд байна. Ийнхүү сонгуулийн амлалтын хэрэгжилтийг хэмжихийн тулд үндэсний хэмжээний нээлттэй статистик датануудыг цуглуулан, интерактив 28 дүрслэлийг бэлтгэн, эх сурвалж, дүн шинжилгээ, нэр томъёоны тайлбартайгаар цогцоор нь байршуулаад байна. Ийнхүү дата мэдээллүүдийг байршуулж байгаа нь дараагийн сонгууль болоход “хүний амьдрал”-д эерэг, сөрөг ямар өөрчлөлт гарсныг харуулах төвийг сахьсан дүн шинжилгээ эх сурвалж болгон хөгжүүлэхээр Бодлогод залуусын хяналт ТББ-аас ажиллаж байна. Мөн энэхүү сонгуулийн амлалтын хяналтыг "Сонгуулийн амлалтын хяналт" залуучуудын иргэний нийгмийн сүлжээний нөлөөллийн ажлын үр дүнгээр баяжуулж, бусад орон нутгийн залуус сонгуулийн амлалтыг хэрхэн хянах боломжтой вэ гэдэг аргачлалыг боловсруулан, жишээ баримттайгаар таниулахаар төлөвлөж байна. Ингэснээр бусад орон нутагт ч гэсэн сонгуулийн амлалтыг хянах сайн дурын үйл ажиллагаанууд идэвхжих мэдээллийн эх сурвалж нь болон хөгжинө гэдэгт итгэж байна. |
Монгол улсын ЗАСГИЙН ГАЗрын 2020-2024 оны мөрийн хөтөлбөр
2020 оны УИХ-ын сонгуулиар Монгол Ардын Нам үнэмлэхгүй олонхын суудал авч, бие даан засгийн газраа байгуулсан.
МОНГОЛ АРДЫН НАМын 2020 оны сонгуулийн МӨРИЙН ХӨТӨЛБӨР
УИХ-ын сонгуульд тус намаас 62 суудал авчээ.
АРДЧИЛСАН НАМын 2020 оны сонгуулийн МӨРИЙН ХӨТӨЛБӨР 2020
УИХ-ын сонгуульд тус намаас 11 суудал авчээ.
Та бидний эвсЛИЙН 2020 Оны сонгуулийн МӨРийн хөтөлбөр
УИХ-ын сонгуульд тус эвслээс нэг суудал авчээ.
Зөв ХҮН ЭЛЕКТОРАТ ЭВСлийн 2020 оны сонгуулийн МӨРИЙН ХӨТӨЛБӨР
УИХ-ын сонгуульд тус эвслээс нэг суудал авчээ.
Бие даан нэр дэвшигчийн 2020 оны сонгуулийн мөрийн хөтөлбөр
Сонгуульд бие даан нэр дэвшигч Н.Алтанхуяг сонгоджээ.
| |||||||||||
ХҮНИЙ ХӨГЖИЛ ГЭЖ ЮУ ВЭ?
|
МОНГОЛ УЛСЫН ХҮНИЙ ХӨГЖЛИЙН ИЛТГЭЛҮҮД
1997 оноос эхлэн гарсан Монгол Улсын Хүний хөгжлийн илтгэлүүдийг НҮБ-ын цахим сангаас татах боломжтой. Монгол улсын 2016 оны хүний хөгжлийн илтгэл
"Ирээдүйн сайн сайхны төлөө: Монгол Улсын хөгжилд залуучуудын оролцоо" сэдвээр 2016 оны илтгэл бичигджээ.
| ||||
ДҮРСЛЭЛ: ХҮНИЙ ХӨГЖЛИЙН ИНДЕКС |
 |
ТАЙЛБАР
ЗААВАР
ДАТА ШИНЖИЛГЭЭ
Улаанбаатар хот нь хүн амын төвлөрөл, боловсролын байгууллагуудын хүртээмж гэх мэт ХХИ-ийн үзүүлэлтээр 21 аймагтай харьцуулахад тохиромжгүй юм. Харин 21 аймгаас Орхон аймаг хүний хөгжлийн индексээр эхэнд явж байна. Бусад аймгуудын хувьд ХХИ-ийн хувьд төдийлөн ялгаа ажиглагдахгүй байгаа бөгөөд 2019 оны хувьд Хөвсгөл аймаг хамгийн бага үзүүлэлттэй байна. ЭХ СУРВАЛЖ
|
