ДҮРСЛЭЛ 1: ХӨДӨЛМӨР ЭРХЛЭЛТ, ​
​ХҮН АМЫН МЭДЭЭЛЭЛ
ТАЙЛБАР
  • Дээрх дүрслэлд 21 аймгийн ажиллагч, ажилгүй иргэдийн тоог 2016-2019 оны байдлаар харуулав.
  • Аймгуудын мэдээллийг хооронд нь харьцуулж үзүүлэхийн тулд Улаанбаатар хотын мэдээллийг шүүж идэвхгүй болгосон болно. Шүүлтүүр хэсэгт Улаанбаатар хотын мэдээллийг нэмж оруулах боломжтой болно.
  • Ажиллагчдын тоо олон байх тусам өнгө нь гүн улбар шар болж, гурвалжны хэмжээ том байх тусмаа ажилгүй хүмүүсийн тоо олон байгааг илтгэнэ.
ЗААВАР
  • ​​Ажилтай болон ажилгүй хүмүүсийн тоог тухайн аймгийн нийт хүн амтай харьцуулж харахыг хүсвэл заагуураа тухайн аймгийн дүрсэн дээр аваачихад тоон утгууд гарч ирнэ.
  • Аймаг тус бүрээр мэдээллийг сонгон идэвхжүүлэн харах боломжтой бөгөөд үүний тулд дүрслэлийн баруун талд буй шүүлтүүр хэсэгт аймгуудыг хасч эсхүл нэмнэ үү.
  • ​Дүрслэлийг download хэсгээс хүссэн форматаа сонгон татан авч болно. 
ДАТА ШИНЖИЛГЭЭ
Дүрслэлд дэх гурвалжин дүрс бол ажилгүй хүн, түүний хэмжээ нь "тоон утга"-ыг илэрхийлж байгаа бөгөөд дүрслэлийн өнгө гүн улбар болох тусам ажил эрхлэлт сайтай болно. Дээрх дүрслэлээс үзвэл хот суурин газар ихтэй, хүн ам ихээр суурьшсан аймгуудад ажил эрхлэлтийн түвшин өндөр байна. Тодруулбал,  гүн улбар өнгөтэй аймгууд болох Хөвсгөл, Өвөрхангай аймгууд байгаа нь аялал жуулчлал илүү хөгжсөнтэй холбоотой байж болзошгүй. Мөн дүрслэлээс уул уурхай дагаад ажлын байр бий болж байгаа дүр зураг харагдахгүй байна. Жишээлбэл, говийн аймгууд болон Өмнөговь аймгийг үзвэл өнгө нь гүн улбар болохгүй байна. Дүрслэлийг ерөнхийд нь авч үзвэл ажил олдох боломж Улаанбаатар хотоос бусад газар төдийлөн боломжгүй байна. 
НЭР ТОМ​ЪЁО 
Монгол Улсын нутаг дэвсгэрт оршин суугаа хүн ам гэж МУ-ын нутаг дэвсгэрт байнга (183 хоног буюу 6 сараас дээш хугацаагаар) оршин суугаа МУ-ын харьяат иргэд, гадаадын харьяат болон харьяалалгүй иргэдийг хэлнэ.​
  • Томъёо: Монгол Улсын нутаг дэвсгэрт оршин суугаа хүн ам гэж МУ-ын нутаг дэвсгэрт байнга (183 хоног буюу 6 сараас дээш хугацаагаар) оршин суугаа МУ-ын харьяат иргэд, гадаадын харьяат болон харьяалалгүй иргэдийн нийлбэр дүн.
Ажиллагч гэж зөвхөн хөдөлмөр эрхлэлтийн ажлын хэлбэрийн хүрээнд, цалин хөлс, орлого олох зорилгоор бүтээгдэхүүн үйлдвэрлэж, үйлчилгээ үзүүлж буй хөдөлмөрийн насны хүнийг хэлнэ. Хөдөлмөр эрхлэгчдийг ажлын байрандаа байгаа болон түр эзгүй байгаа гэж хоёр бүлэгт хувааж авч үзнэ (заалт 27, ОУХС-ын 19-р бага хурлын тогтоол-I).
Ажилгүй хүн гэж сүүлийн 7 хоногт хөдөлмөр эрхлээгүй, хөдөлмөр эрхлэх зорилгоор ажил хайж байгаа болон ажил хийхэд бэлэн байгаа хөдөлмөрийн насны хүн юм.
  • а. хөдөлмөр эрхлээгүй гэж тухайн хугацаанд буюу сүүлийн 7 хоногт цалин хөлс, орлого олох зорилгоор ямар нэгэн ажил хийгээгүй, ажиллагч гэдэг тодорхойлолтод хамаарахгүй байхыг;
  • б. ажил хийхэд бэлэн гэж тухайн хугацаанд буюу сүүлийн 7 хоногт эсвэл тухайн хугацаанаас хойш ирэх хоёр долоо хоногт ажил хийж эхлэхэд бэлэн байхыг;
  • в. ажил хайж байгаа гэж сүүлийн дөрвөн долоо хоногт цалин хөлс, орлого олох зорилгоор ямар нэгэн хэлбэрээр ажил хайсан эсвэл хувийн бизнес эхлүүлэх оролдлого хийсэн хүн юм. Ажил хайх гэдгийг ажилд зуучлах төрийн болон хувийн байгууллагад бүртгүүлэх, ажлын байрны талаар мэдээлэл авч ажил олгогчтой холбогдсон, ажлын зар, цахим хуудсаар ажил олгогчид хандах, нийтийн үйлчилгээний газруудын мэдээллийн самбар, хэвлэл мэдээллийн хэрэгсэлд зар тавих гэх мэт ажил олох оролдлого идэвхтэй хийхийг ойлгоно. Харин ажлын байрны талаар мэдээлэл авсан ч ажил олгогчид хандаагүй бол идэвхтэй оролдлого хийсэн гэж үзэхгүй.
ЭХ СУРВАЛЖ
ДАТА БА СОНГУУЛИЙН АМЛАЛТ
Хөдөлмөр эрхлэлтийг нэмэгдүүлэх мөрийн хөтөлбөрийн түүврийг Залуучууд, эмэгтэйчүүдийн хөдөлмөр эрхлэлтийн хэсгээс үзэх боломжтой. Засгийн газрын мөрийн хөтөлбөрт 150,000 ажлын байр шинээр бий болгох, зохистой ажлын байр бий болгох, үр дүнд суурилсан цалин хөлс, ажлын үнэлгээний систем нэвтрүүлэх зэргийг тусгажээ.