ЯАГААД БОДЛОГОД “ЗАЛУУС”-ЫН ХЯНАЛТ ГЭЖ?
Тэр үед (2013 онд) нийгэмд залуусын оролцоо гэхээр ихэнхдээ өнгө будаг алагласан, олуулаа цугласан интертаймент байдлаар ихэнх хүмүүс төсөөлдөг байлаа. Харин бидний хувьд бодлогын түвшин дэх залуусын оролцоог нэмэгдүүлэх нь илүү чухал гэж үзсэн юм.
Залуус өөртөө хамааралтай асуудлаар бодлогын шийдвэр гаргахад оролцох эрхтэй гэдгээ мэддэг хэдий ч хэрхэн, яаж оролцохоо мэддэггүй. Үүнд хариулт олж, үлгэр жишээ залуусын байгууллага болохын тулд, нийгмийн эерэг өөрчлөлтөд хувь нэмрээ оруулахын тулд Бодлогод залуусын хяналт ТББ-ыг байгуулсан.
Залуус өөртөө хамааралтай асуудлаар бодлогын шийдвэр гаргахад оролцох эрхтэй гэдгээ мэддэг хэдий ч хэрхэн, яаж оролцохоо мэддэггүй. Үүнд хариулт олж, үлгэр жишээ залуусын байгууллага болохын тулд, нийгмийн эерэг өөрчлөлтөд хувь нэмрээ оруулахын тулд Бодлогод залуусын хяналт ТББ-ыг байгуулсан.
ХЭН ҮҮСГЭН БАЙГУУЛСАН БЭ?
Манай байгууллагын үүсгэн байгуулагчдын хувьд бүгд иргэний нийгмийн байгууллагад ямар нэгэн байдлаар ажиллаж байсан, хүний эрхийн суурьтай залуус байдаг гэж ойлгож болно. Тийм ч учраас үзэл бодол, үнэт зүйлээрээ нэгдэж байгууллагаа анх байгуулж байсан юм.
Үүсгэн байгуулагчдын хувьд иргэний нийгмийн суурьтай учир бодлогын түвшинд залуус оролцохоос гадна бодлого боловсруулах, хэрэгжүүлэх үйл явцыг хянах нь ч бас чухал гэдгийг мэддэг учир байгууллагын нэрэндээ “хяналт” гэдэг үгийг оруулсан хэрэг. Ингээд л бодлого боловсруулах, хэрэгжүүлэх үйл явцад залуучуудын оролцоо, дуу хоолой үгүйлэгдэж байгааг өөрчлөх зорилгоор 2014 онд Бодлогод залуусын хяналт ТББ байгуулагдан, иргэний нийгэм дэх залуучуудын байгууллагын шинэ төлөөлөл болон ажиллаж эхэлсэн юм даа.
Үүсгэн байгуулагчдын хувьд иргэний нийгмийн суурьтай учир бодлогын түвшинд залуус оролцохоос гадна бодлого боловсруулах, хэрэгжүүлэх үйл явцыг хянах нь ч бас чухал гэдгийг мэддэг учир байгууллагын нэрэндээ “хяналт” гэдэг үгийг оруулсан хэрэг. Ингээд л бодлого боловсруулах, хэрэгжүүлэх үйл явцад залуучуудын оролцоо, дуу хоолой үгүйлэгдэж байгааг өөрчлөх зорилгоор 2014 онд Бодлогод залуусын хяналт ТББ байгуулагдан, иргэний нийгэм дэх залуучуудын байгууллагын шинэ төлөөлөл болон ажиллаж эхэлсэн юм даа.
БИД ХЭРХЭН АЖИЛЛАДАГ ВЭ?
Анх байгууллага болоод ажиллахад олон бэрхшээлтэй тулгарч байлаа. Байгууллагын нэрэндээ зорилгоо яаж шингээж харуулах вэ гэж их удаан бодож, олон удаа уулзацгаасан. Дараа нь байгууллагын дүрмээ боловсруулж, батлах гээд бүгдийг тэгээс эхэлсэн. Манай байгууллагын нэг онцлог нь үүсгэн байгуулагч, удирдах зөвлөл, ажлын албаны хүмүүсийн ихэнх нь хуульч, сэтгүүлч мэргэжилтэй. Тиймээс дүрмээ боловсруулж батлаад мөрдөөд яавахад амар байдаг давуу тал бий. Шинээр байгуулагдсан байгууллагын хувьд ажлын байр, тоног төхөөрөмж, цалин гээд шийдэх зүйл олон байсан. Түүнийг тууштай байдлаар л даван туулсаар өнөөдрийг хүртэл өргөжин тэлж, зорилгодоо хүрэхийн тулд ажилласаар л хичээсээр л явна.