ИРГЭДИЙН ХҮСЭЛТЭЭР ДАХИН СҮНДЭРЛЭСЭН ХӨШӨӨ 
Орос цэргийн анги байрлах хугацаандаа “Цэргийн алдрын хөшөө”-г Ялалтын баярын 30 жилийн ойд зориулан сүндэрлүүлсэн гэдэг. Харин он цаг улирах тусам энэ цэргийн хөшөө тоос, шороонд элэгдсээр өнгө үзэмжээ алдсан юм.

АРД ТҮМНИЙ ГАРААР БҮТЭЭГДСЭН БҮХЭН
​БАТ НАЙДВАРТАЙ ХАМГААЛАГДАХ ЁСТОЙ

Энэ монументаль хөшөө Монголд байдаг хөшөөдөөс өндрөөрөө хоёрт буюу Халх голын 90 баатрын хөшөөний дараа ордог. Яг энэ хөшөө байсан газар цэргийн жавхлант парад болж, түмэн олон баярлан хөлхсөн цэнгэлдэх хүрээлэн байж.

Зөвлөлтийнхөн цэргүүдийнхээ алдар, байгуулсан гавьяагаар бахархаж Цэргийн алдрын хөшөө босгодог байсан нь, уг хөшөөний бамбай хэсэгт байгаа “Ард түмний гараар бүтээгдсэн бүхэн бат найдвартай хамгаалагдах ёстой” гэсэн үгнээс харагддаг. ​
​
Ийнхүү Говьсүмбэр аймгийн иргэд  билэгшээл, орон нутгийн гол өнгө үзэмж, аялал жуулчлалыг татах гол цэг хэмээн үзсэнээр уг хөшөөг сэргээн засварлаж цогцолбор болгох саналыг гарган, шийдвэрлүүлж чаджээ.
Цэргийн штабын дарга, дэд хурандаа С.Бат-Эрдэнэ:
"Орон нутгийн хөрөнгөөр 400 сая гаруй, иргэд 90 сая гаруй төгрөг хандивлаж хөшөөг сэргээсэн "​
Мөн хөшөөний талаар Говьсүмбэр аймгийн гуравдугаар багийн иргэн Х.Чулуунбаатар ийн хэлэв.
 "2012 онд манай аймагт төсөв муу байсан учраас 2012-2016 онд хөшөөг засварлах боломжгүй байсан. Гэсэн ч бид ирэх дөрвөн жилийг хүлээж, хөрөнгө тусгуулж, тэр хугацаандаа Орос улсаас 60 сая гаруй төгрөгийг гаргуулж чадсан юм.

​Энэ нь иргэд бидний хөшөөг засварлуулах сэтгэл, зүтгэл, тууштай байдлын үр дүн шүү дээ.”

ИРГЭДИЙН ОРОЛЦОО ТҮҮХЭН ДУРСГАЛАА ХАМГААЛАВ

Нутгийнхан энэ хөшөөг “Нэргүй баатрын хөшөө“ гэж дууддаг аж. Учир нь хөшөөн дээр тухайлсан нэр байхгүй бөгөөд баатарлаг гавьяатанд биш, дэлхийн 2-р дайны олон баатар эрийн гавьяат үйлсэд зориулсан түүхэн дурсгал юм.

Энэхүү хөшөө шиг “Нэргүй баатрын хөшөө”-г дэлхийн I дайнаас хойш улс орнууд цэрэг эрстээ зориулан босгох болжээ. Жишээлбэл, 1920 онд Английн Лондон хотноо анх бүтээгджээ. 
​​​Соёлын өвийн үндэсний төвийн авран хамгаалах газрын дарга н.Анхсанаа ийн ярив.​
Говьсүмбэр аймгийн иргэд төрийн үйлд нөлөөлөн, аймаг орныхоо үзэмжийг өөд татаж чадсанаараа залуучууд болзооны цэгтэй, өндөр настан, өсвөр үеийнхэн нь дасгал хөдөлгөөн хийх талбайтай болж, Шинэ жил, Ялалтын баяр, Цэргийн баяр гээд тэмдэглэлт өдрүүдээр “Цэргийн алдрын хөшөө”-нөө чуулдаг болсон юм.