"Засаглалд залуу сэтгүүлчдийн оролцоо"
"Засаглалд залуу сэтгүүлчдийн оролцоо" хөтөлбөр нь Хууль зүйн яам, Швейцарын хөгжлийн агентлаг, Иргэдийн оролцоо төслийн дэмжлэгтэйгээр 2018 оноос хэрэгжиж эхэлсэн. Ардчилал, хүний эрх, засаглал, иргэдийн оролцоо сэдвээр залуу сэтгүүлчдийг мэргэшүүлэх зорилготой. Иргэдийг эрх мэдэлжүүлэх, оролцоог нь нэмэгдүүлэхийн тулд тэдэнд хүрч буй дуу хоолой болох хэвлэл мэдээллийн байгууллага, сэтгүүлчид дээрх ойлголтуудаар мэргэшсэн, хүний эрхийн мэдрэмжтэй байх нь чухал гэж үзсэнээр хөтөлбөрийг эхлүүлсэн. 2018 оноос хойш 3 удаагийн элсэлт авч 85 сэтгүүлч хөтөлбөрийг төгсөөд байна. Одоогоор хөтөлбөрийн төгсөгчдийн холбоо нь сэтгүүл зүйн үнэт зүйлийг төлөвшүүлэх ажилд хувь нэмрээ оруулж байна.
