"Огтонотой булаг"-аа оролцоотой иргэд хамгаалжээ
|
|
Номгон хайрханы өвөрт орших "Оготонотой булаг" нь нутгийн иргэд эрт цагаас ходоодондоо эмчилгээний журмаар хэрэглэж ирсэн рашаан юм. Энэхүү рашаан нь 2017 оныг хүртэл ямар нэгэн хамгаалалтын бүс байхгүйн улмаас хөрс нь машины мөрөөр хуурайшиж зүлэг ногоо нь хатсан байдалтай байсан. Үүнийг иргэд дуу хоолойгоо нэгтгэн нутгийн удирдлагууддаа хүргэж чадсанаар Баянхонгор сумын 2017 оны төсөвт тусгуулж орон нутгийн хөгжлийн сангийн мөнгөөр тойруулан хайсжуулж чадсан юм. |
Г.АНХБАЯР: ИРГЭД, БАГА НАСНЫ ХҮҮХЭД ТАЙВАН ЗУГААЛАХ НӨХЦӨЛ БҮРДСЭН
|
2016 онд Баянхонгор аймаг дахь Цагдаагийн газрын Олон нийттэй харилцах ахлах мэргэжилтнээр ажиллаж байсан Г.Анхбаяр хэлэхдээ "Булгийн эргэн тойрныг хайсжуулах хүртэл иргэд хэсэг бүлгээрээ цугларан архидан согтуурах, уусан архины шил гэх мэтээ хогоо хаях, булгийн усанд автомашинаа угаах, согтууруулах ундаа хэрэглэж, хоорондоо маргалдсны улмаас гэмт хэрэг зөрчилд холбогдох явдлууд элбэг байсан" гэв. |
Голын эрэг дагуу хашлага, хайс бий болгож хязгаарлалт хийснээр байгаль орчины бохирдох, гэмт хэрэг зөрчил үйлдэгдэх явдал эрс буурсан. Мөн булаг орчимд тээврийн хэрэгслийн хөдөлгөөн байхгүй болсноор иргэд, бага насны хүүхэд тайван амарч зугаалах нөхцөл бүрдсэн.
Б.Соронзонбаатар: ИРГЭДИЙН САНАЛААР ОРОН НУТГИЙН ХӨГЖЛИЙН САНГААС 34 САЯ ТӨГРӨГӨӨР ТОХИЖИЛТ ХИЙСЭН
|
|
|
Иргэд өөрсдөө санал санаачлага гарган багийн иргэдийн нийтийн хуралдаа идэвхи зүтгэлтэй оролцож эрүүл аюулгүй орчинд амьдрах эрхээ удирдах албан тушаалтнуудаас шаардан орчноо сайжруулж тодорхой үр дүнд хүрч чадсан нэг жишээг та бүхэнд хүргэлээ. Иргэд өөрсдийн оролцоогоо сайжруулж чадвал энэ мэтчилэн нийгэмд тулгамдаж буй олон асуудлыг шийдэх боломжтой юм. Иймээс иргэдийг багийн иргэдийн нийтийн хуралдаа идэвхи оролцож байхыг уриалж байна.