УЛААНБААТАР ХОТ ХОЁР ХОТТОЙ. НЭГ НЬ ГЭР ХОРООЛОЛ, НӨГӨӨ НЬ ОРОН СУУЦНЫ ХОРООЛОЛ БАЙХ АЖ. 

Бодлогод залуусын хяналт ТББ-аас "Эрх тэгш нийгмийг хүүхэд залууст" төслийн хүрээнд хийсэн судалгаагаар гэр хороололд амьдарч буй хүүхэд, залууст төрийн үйлчилгээний хүртээмж хангалтгүй байдгийг харуулжээ. ​

Тодруулбал, улсын цэцэрлэг, сургууль хотын төвд төвлөрсөн, гэр хорооллын нутаг дэвсгэрт цөөн тоогоор байрласан байгааг газрын зургаас харж болно. Мөн номын сан, кино театр, музей гэх мэт соёлын үйлчилгээ орон сууцны хороололд төвлөрсөн байна (Газрын зураг дээр товшино уу). 

Гэтэл гэр хороололд нийслэлийн өрхийн 50 гаруй хувь оршин суудгаас 500 мянга гаруй хүүхэд, залуус амьдарч байна. Энэ нь гэр хороолол ялангуяа алслагдсан дүүрэгт амьдрах нь хүүхэд, залуус хөгжлөөс хоцрогдох үр дагаварт хүргэж болзошгүй юм. 

"БИД ХОТ РУУ ОРЖ КИНО ҮЗНЭ ГЭЖ ЯРЬДАГ..." ​​ (залуусын төлөөлөл)
Судалгааны хүрээнд нийслэлийн 9 дүүрэгт хандаж, хүүхэд, залуучуудын чиглэлээр хийж, хэрэгжүүлж буй ажлын тайланг авахыг хүсчээ. гэтэл 5 дүүрэг нь бидэнд ямар зорилгоор тайланг ашиглах талаараа тайлбар тавь, зарим нь албан бичиг хүлээн аваагүй гэх зэргээр ямар нэг хариу ирүүлээгүй байна. 

Ийнхүү 4 дүүргийн 2016-2019 оны тайланд дүн шинжилгээ хийж үзжээ. хүүхэд, залуучуудад чиглэсэн сургалт, уралдаант тэмцээн, аян өрнүүлэхийн зэрэгцээ хууль эрх зүй, хүүхдийн хүмүүжлийн асуудлаар уулзалт, хэлэлцүүлэг зохион байгуулдаг байна. мөн Эдгээр үйл ажиллагааны үргэлжлэх хугацаа ихэвчлэн жилд нэг өдрийн өдөрлөг, нэг сарын аян хэлбэрээр хүүхэд, гэр бүл, залуучуудын хөгжлийн хэлтсээс ЗОХИОН байгуулдаг аж.

Мөн "дүүргүүд төрөл бүрийн үйл ажиллагаа явуулж байгаа ч үйл ажиллагааныхаа үр дүнг эргэж үнэлсэн эсэх нь тодорхойгүй байгаа нь анхаарал татаж байна" гэж Судлаач Н.Должин цохон тэмдэглэв. 
БОДЛОГОД ЗАЛУУСЫН ХЯНАЛТ ТББ-аас энэхүү судалгааны тайланг холбогдох төр, ТББ-уудын төлөөлөлд танилцуулж, хэлэлцүүлэг явуулсан юм. судалгааны үр дүнг Хүний эрхийн үндэсний комиссын Ажлын албаны дарга Ч.Алтангэрэл хэлэхдээ "Гэр хорооллын хүүхэд, залууст тулгамдаж буй асуудал, онцлог хэрэгцээг нь анхаарч, хүний эрхэд суурилсан байдлаар бодлого, төлөвлөлтийг хэрэгжүүлэх шаардлагатай байна" гэв. 

СУДАЛГААНААС ДАРААХ САНАЛ ЗӨВЛӨМЖИЙГ боловсруулан, холбогдох байгууллагад хүргүүлжээ: 

  • Хүүхэд, залуучуудын хөгжлийг хангахад чиглэсэн төрийн байгууллагын үйл ажиллагааны урт хугацааны өгөөжийг үнэлэх, үр дүнд тулгуурлан дараа дараагийн үйл ажиллагааны хэлбэрийг өөрчилж, сайжруулах;
  • Гэр хорооллын хорооны нутаг дэвсгэрт хүүхэд, залуучуудын хөгжлийг дэмжихэд чиглэсэн тоглоомын талбай, ногоон байгууламж, нийтийн номын сангийн үйл ажиллагааг бий болгох, өргөжүүлэх;
  • Гэр хорооллын хүүхэд, залуучуудын хөгжлийг дэмжих үйл ажиллагааг хороон дээр зохион байгуулах;
  • Төрийн үйлчилгээ, түүнд хамрагдахын давуу талын талаарх мэдээллийг залуучуудад хүртээмжтэй хүргэхийн тулд хэсгийн ахлагчдыг чадавхжуулах, мэдээллийн сувгийг нэмэгдүүлэх;
  • Албан ёсоор шилжин ирээгүй боловч оршин сууж байгаа иргэдийн мэдээллийг цуглуулах;
  • Хөгжлийн бэрхшээлтэй хүүхэд, залуучууд боловсрол эзэмших, нийгэмд оролцоход шаардлагатай орчны хүчин зүйлүүдийг сайжруулах;
  • Хүүхэд, залуучуудын хөгжлийг дэмжихэд чиглэсэн үйл ажиллагааны санхүүжилтийг татварын бодлогод тусгах замаар шийдвэрлэх;
  • Хүүхдийн эрхийг хамгаалахад оролцдог талуудын эрх, үүргийг засаг захиргааны хуульд оруулах шаардлагатай.
Дэлгэрэнгүйг: Бодлогод залуусын хяналт ТББ-ын "УЛААНБААТАР ХОТЫН ГЭР ХОРООЛЛЫН ХҮҮХЭД, ЗАЛУУСЫН ХӨГЖИХ ЭРХ БА ТӨРИЙН ҮЙЛЧИЛГЭЭНИЙ ХҮРТЭЭМЖ" судалгаанаас хүлээн авна уу.
ypw_Судалгааны_тайлан_Гэр_хороололд_буй_хүүхэд_залуус.pdf
File Size: 2388 kb
File Type: pdf
Download File