Хөгжлийн бэрхшээлтэй иргэд хүртээмжтэй орчныг бий болголоо
Р.Мөнхсаруул бол би хөгжлийн бэрхшээлтэй шүү гээд өөрийгөө нийгмээс тусгаарлаж гэртээ суухыг хүсээгүй. Нийгэмдээ орж бусадтай адил хөгжиж хөдөлмөрлөхийг зорьсон мундаг бүсгүй.

Тэрээр өөртэйгөө адил хөгжлийн бэрхшээлтэй иргэдийн төлөө өөрийн амьдралаа хойш тавьж, тулгамдаж буй асуудлыг шийдвэрлэхийн төлөө зүтгэж хөдөлмөрлөж аливаа асуудлыг олон талаас нь харж зөв бодитой үр дүнтэй ажилуудыг хийж чадсан юм.

Тэр зөвхөн өөрийн төлөө бус нийтийн хэрэгцээтэй асуудлыг хөндөж шийдвэрлүүлж чадсан.
Баянхонгор аймаг 81 мянга гаруй хүн амтайгаас хөгжлийн бэрхшээлтэй 3332 иргэн байдаг нь хүн амын 4% гэсэн үг юм .
Picture
Л.ЭРДЭНЭЧИМЭГ (Баянхонгор сумын Дуурсах 3-р багийн иргэн)
Таны хувьд аймгийнхаа нэгдсэн эмнэлгээр хэр үйлчлүүлдэг вэ?
За эгч нь сүүлийн жилүүдэд бол бас их үйлчлүүлдэг болоод л байна шүү нас яваад ч тэр үү эмнэлгээр орж  гарах нь бас их болжээ.
Таны хувьд эмнэлгээр үйлчлүүлэхэд хүндрэлтэй асуудал байна уу?
За одоо ч нээх хүндрэлтэй гэх юм алга даа. Урьд нь энэ шатаар өгсөж уруудахад их хэцүү байдаг байлаа. Хөл муутай болохоор эмнэлэг маань шатныхаа хажууд барихад хялбархан нарийн бариул хийж өгсөн байсан нь шатаар явахад их тулгууртай болсон.
Цаашид иргэддээ ээлтэй орчинг бий болгоод байвал сайхан л байна.
Хөгжлийн бэрхшээлтэй иргэн би өдөр шөнөгүй хөөцөлдөж байж хүртээмжтэй орчинг бий болгож чадсан.

Та бүхэнд ч өөрчлөлт хийх хүч БИЙ.