ДҮРСЛЭЛ 2-3: БОЛОВСРОЛЫН ТҮВШИН БА
​ЖЕНДЭРИЙН ТЭНЦВЭРТ БАЙДАЛ

1. Хүн амын боловсролын түвшний индекс​
ТАЙЛБАР
  • Дээрх дүрслэлд 2016-2021 оны хоорондох 21 аймаг болон Улаанбаатар хотын боловсролын түвшний индексийг хүйсээр дүрслэн үзүүлэв.
  • Хамгийн их утгыг ногооноор, хамгийн бага утгыг улаан цэгээр тодотгов.
ЗААВАР
  • Заагуураа дүрслэл дээр аваачаад тухайн үзүүлэлтийн тоон утгыг харж болно.
  • Дүрслэлийг download хэсгээс хүссэн форматаа сонгон татан авч болно. 
ДАТА ШИНЖИЛГЭЭ
Энэхүү дүрслэл дэх боловсролын түвшний индекс  (БТИ) буюу тоон утга нэмэгдэх тусам боловсролтой гэдгийг харуулна. Хүйсийн хувьд авч үзвэл эмэгтэйчүүдийн боловсролын түвшний индекс улсын хэмжээнд нийтлэгээрээ өндөр байна.

​Дүрслэлд өгөгдсөн 6 жилийг харьцуулж үзвэл аймгуудын БТИ-т бараг өөрчлөлт гарахгүй байна. Мөн аль аль хүйсийн индекс доогуур байгаа Өвөрхангай, Дундговь аймгуудын хувьд эрэгтэйчүүдийн боловсролын индекс эмэгтэйчүүдээсээ бага байна. Тодруулбал, 2021 онд Дундговь аймгийн хувьд эрэгтэй нь 0.5620 байгаа бол эмэгтэй нь 0.6110 байна. Харин аймгуудаасаа БТИ-ээр хамгийн өндөр үзүүлэлттэй байгаа Дархан-Уул аймгийн хувьд 2021 онд эмэгтэй 0.8170, эрэгтэй 0.7800 байна. Улаанбаатар хотын хувьд БТИ нь аль аль хүйсийн хувьд бусад аймгуудаас тогтмол өндөр байдаг бөгөөд сүүлийн хоёр жилийн хугацаанд эмэгтэй БТИ өсч 2021 онд 0.8980 болсон нь 6 жилийн хугацаанд хамгийн өндөр үзүүлэлт болсон байна. 
НЭР ТОМЪЁО
Боловсролын түвшний индекс: Насанд хүрсэн хүмүүсийн сургуульд суралцсан дундаж жил болон хүүхдүүдийн сургуульд суралцах дундаж жилийг тус бүр 50, 50 хувь гэж тооцон гаргадаг.
(Албан бус орчуулга: The Education Index has been measured by combining average adult years of schooling with expected years of schooling for children, each receiving 50% weighting).
ЭХ СУРВАЛЖ
Монгол улсын статистикийн эмхэтгэл 2019 он: Хүний хөгжлийн статисти
  • https://www.1212.mn/BookLibraryDownload.ashx?url=Yearbook-2019.pdf&ln=Mn ​
  • http://www.1212.mn/
ДАТА БА СОНГУУЛИЙН АМЛАЛТ
"Дээд болон мэргэжлийн боловсрол"-ын мөрийн хөтөлбөрийн хувьд орчин нөхцлийг сайжруулах, хүртээмжийг нэмэгдүүлэх, дэлхийд өрсөлдөх чадварыг дээшлүүлэх зэрэг амлалтыг өгчээ. 

2. Дээд боловсрол: Жендэрийн тэнцвэрт байдлын индекс
ТАЙЛБАР
  • ​Дээрх дүрслэлд 2001-2021 оны хоорондох дээд боловсролын жендэрийн тэнцвэрт байдлыг дүрслэн үзүүлэв.
  • Босоо тэнхлэгт жендэрийн тэнцвэрт байдлын индексийг хувиар, хэвтээ тэнхлэгт харгалзах оныг дүрслэн харуулав.
ЗААВАР
  • ​Заагуураа дүрслэл дээр аваачаад тухайн үзүүлэлтийн тоон утгыг харж болно.
  • Дүрслэлийг download хэсгээс хүссэн форматаа сонгон татан авч болно. 
ДАТА ШИНЖИЛГЭЭ
Энэ дүрслэлээс үзвэл ​2001 онд 100 эрэгтэйд 170 эмэгтэй буюу эмэгтэйчүүд дээд боловсрол түлхүү эзэмшиж байсан хамгийн өндөр үзүүлэлт болсон байна. Харин 2014 онд 100 эрэгтэйд 135 эмэгтэй болж, эрэгтэйчүүдийн дээд боловсролд хамрагдалт нэмэгдсэн хамгийн өндөр үзүүлэлт болсон ч 2019 онд 157 болж жендэрийн тэнцвэрт байдлын индекс нэмэгдсэн боловч 2020 оны 155 болж буурч байсан бол 2021 онд 157 болжээ.  
НЭР ТОМЪЁО
Жендэрийн тэнцвэрт байдлын индекс гэж тодорхой нэг үзүүлэлтийн эмэгтэйчүүд эрэгтэйчүүдийн тоон харьцааг ойлгоно. Тодруулбал, дээд боловсрол эзэмшихээр суралцаж буй суралцагчдын жендэрийн тэнцвэрт байдлын индекс нь дээд боловсрол эзэмшихээр суралцаж буй 100 эрэгтэй суралцагч тутамд ногдож буй эмэгтэй суралцагчдын тоог илэрхийлнэ.
  • Томъёо: Ямар нэг үзүүлэлтийн эмэгтэйчүүдийн тоог эрэгтэйчүүдийн тоонд харьцуулна
ЭХ СУРВАЛЖ
Үндэсний статистикийн хороо, Дээд боловсролын үндсэн үзүүлэлтийн төлөв байдал, түүнд нөлөөлөх хүчин зүйлийн шинжилгээ (7 тал)
ДАТА БА СОНГУУЛИЙН АМЛАЛТ
"Дээд болон мэргэжлийн боловсрол"-ын мөрийн хөтөлбөрийн хувьд орчин нөхцлийг сайжруулах, хүртээмжийг нэмэгдүүлэх, дэлхийд өрсөлдөх чадварыг дээшлүүлэх зэрэг амлалтыг өгчээ.