ДҮРСЛЭЛ 8-9: ХӨДӨЛМӨР ЭРХЛЭЛТ
1. Хөдөлмөр эрхлэлтийн түвшинг хүйс болон аймаг, нийслэлээр харуулав 
ТАЙЛБАР
  • Дээрх дүрслэлд 2016-2019 оны хоорондох хөдөлмөр эрхлэлтийн түвшинг хүйсээр, аймгаар харьцуулан харуулав.
  • Улбар шар өнгөөр эмэгтэйчүүдийн, цэнхэр өнгөөр эрэгтэйчүүдийн хөдөлмөр эрхлэлтийн түвшинг дүрслэв.
  • Саарал шугам нь эмэгтэйчүүд болон эрэгтэйчүүдийн хөдөлмөр эрхлэлтийн дунджийг илэрхийлнэ.
ЗААВАР
  • Заагуураа дүрслэл дээр аваачаад тухайн үзүүлэлтийн тоон утгыг харж болно.
  • Аймгаар хайх хэсэгт Улаанбаатар хотын болон аймгийн нэрийг оруулаад мэдээллийг нь тодруулан үзэж болно.
  • Дүрслэлийг download хэсгээс хүссэн форматаа сонгон татан авч болно.
ДАТА ШИНЖИЛГЭЭ
Энэхүү дүрслэлээс эмэгтэйчүүд, эрэгтэйчүүдийн хөдөлмөр эрхлэлтийн түвшин нэг тэнхлэг дээр дүрсэлэгдсэн байгааг анхаарна уу. Эмэгтэйчүүдийн хөдөлмөр эрхлэлтийн түвшин эрэгтэйчүүдээс тогтмол бага байдаг бөгөөд дундаж нь 56 байгаа бол эрэгтэйчүүдийнх 66 байна. Мөн бүх аймаг, хотод эмэгтэйчүүдийн хөдөлмөр эрхлэх түвшин бага байна. Тодруулбал, эмэгтэйчүүдийн хөдөлмөр эрхлэх түвшин хамгийн өндөр байгаа байсан Төв аймагт 2016 онд 73.90 байсан бол 2019 онд 54.80 болж огцом буурсан нь анхаарал татаж байна. 
​НЭР ТОМЪЁО
Хөдөлмөр эрхлэлтийн түвшин нь хөдөлмөрийн насны хүн амын хэдэн хувийг ажиллагчид эзэлж байгааг харуулдаг үзүүлэлт юм.
  • Томъёо: Хөдөлмөр эрхлэлтийн түвшин: Ажиллагчдын тоог хөдөлмөрийн хүн амын тоонд харьцуулж тооцно. Хөдөлмөр эрхлэлтийн түвшин=Ажиллагчид/Хөдөлмөрийн насны хүн ам×100%
​​ЭХ СУРВАЛЖ
Монгол улсын статистикийн эмхэтгэл, Ажиллах хүчний судалгаа
https://www.1212.mn/tables.aspx?TBL_ID=DT_NSO_0400_035V3
ДАТА БА СОНГУУЛИЙН АМЛАЛТ
Хөдөлмөр эрхлэлтийг нэмэгдүүлэх мөрийн хөтөлбөрийн түүврийг Залуучууд, эмэгтэйчүүдийн хөдөлмөр эрхлэлтийн хэсгээс үзэх боломжтой. Засгийн газар болон улс төрийн намууд эмэгтэйчүүдийн хөдөлмөр эрхлэлтийг нэмэгдүүлэх гол арга замыг цэцэрлэг, ясли, өдөр өнжүүлэх төвүүдийн тоо, хүртээмжийг дээшлүүлэх гэж үзсэн байна.
2. Хөдөлмөр эрхлэлтийн оролцооны түвшинг хүйсээр харуулав
ТАЙЛБАР
  • Дээрх дүрслэлд 2010-2019 оны хоорондох хөдөлмөр эрхлэлтийн түвшинг хүйсээр харьцуулан харуулав.
  • Улбар шар өнгөөр эмэгтэйчүүдийн, цэнхэр өнгөөр эрэгтэйчүүдийн хөдөлмөр эрхлэлтийн түвшинг харууллаа. Хоёр хүйсийг харьцуулах боломж олгох үүднээс саарал өнгөөр нөгөө хүйсийн үзүүлэлтийг давхар дүрслэв.
ЗААВАР
  • Заагуураа дүрслэл дээр аваачаад тухайн үзүүлэлтийн тоон утгыг харж болно.
  • Оноор гүйлгэх хэсгийн доорх тоглуулах товчин дээр дарж он дараалсан өөрчлөлтийг үзнэ үү.
  • Дүрслэлийг download хэсгээс хүссэн форматаа сонгон татан авч болно.
ДАТА ШИНЖИЛГЭЭ
Дүрслэлийн 2019 оны мэдээллээс үзэхэд эрэгтэйчүүд 25-49 насандаа хөдөлмөрийн оролцооны түвшин 80 хувиас дээш буюу тогтмол ажилладаг байна. Харин эмэгтэйчүүд 25-34 насанд 65-71%-ийн оролцоотой байдаг ба хамгийн дээд тал 40-44 насанд 80% болж байна. Энэ нь эмэгтэйчүүдийн нөхөн үржихүйн настай холбоотой байж болзошгүй бөгөөд 40-49 нас эмэгтэйчүүдийн ажил хөдөлмөр эрхлэхэд оролцох гол нас болж байна. Гэвч 55 наснаас хойш ажил хөдөлмөр бараг эрхэлдэггүй болох нь 36% болтол буурч буй үзүүлэлтээс харж болно. Өмнөх онуудад ч гэсэн эмэгтэйчүүдийн оролцооны түвшин эрэгтэйчүүдийнхээс бага байх дүр зураг хадгалагдаж байгаа нь хөдөлмөрийн зах зээлд эмэгтэйчүүдийн хүчийг ашиглагдахгүй өнгөрч буйг харуулж байна.
​НЭР ТОМЪЁО
Ажиллах хүчний оролцооны түвшин нь хөдөлмөрийн насны хүн амын хэдэн хувийг ажиллах хүчин эзэлж байгааг харуулдаг үзүүлэлт юм.
  • Томъёо: Ажиллах хүчний тоог хөдөлмөрийн насны хүн амын тоонд харьцуулж тооцно. Ажиллах хүчний оролцооны түвшин=Ажиллах хүч/Хөдөлмөрийн насны хүн ам*100%
​​ЭХ СУРВАЛЖ
ДАТА БА СОНГУУЛИЙН АМЛАЛТ
Хөдөлмөр эрхлэлтийг нэмэгдүүлэх мөрийн хөтөлбөрийн түүврийг Залуучууд, эмэгтэйчүүдийн хөдөлмөр эрхлэлтийн хэсгээс үзэх боломжтой. Засгийн газар болон улс төрийн намууд эмэгтэйчүүдийн хөдөлмөр эрхлэлтийг нэмэгдүүлэх гол арга замыг цэцэрлэг, ясли, өдөр өнжүүлэх төвүүдийн тоо, хүртээмжийг дээшлүүлэх гэж үзсэн байна.