ДҮРСЛЭЛ 9: ДОТУУР БАЙР
ТАЙЛБАР
  • Дээрх дүрслэлд 2013-2018 оны хооронд дотуур байранд амьдрахаар саналаа өгсөн болон дотуур байранд амьдарч байгаа оюутнуудын тоог харуулав.
  • Цэнхэр өнгөөр дотуур байранд амьдарч байгаа, улбар шараар саналаа өгсөн оюутнуудыг дүрслэв.
ЗААВАР
  • Заагуураа дүрслэл дээр аваачаад тухайн үзүүлэлтийн тоон утгыг харж болно. 
  • Дүрслэлийг download хэсгээс хүссэн форматаа сонгон татан авч болно.
ДАТА ШИНЖИЛГЭЭ
2019 оны “Дээд боловсролын сургалтын байгууллагын дотуур байрны хүрэлцээ, хангамж, орчин нөхцлийн судалгаа”-наас үзвэл 
  • "89 их дээд сургууль Улаанбаатар хотод (суралцагчдын 92,8% нь), 7 нь хөдөө орон нутагт (суралцагчдын 7,2% нь) үйл ажиллагаа явуулж байна. 2017-2018 оны хичээлийн жилд дотуур байранд суухаар санал өгсөн 13,640 нь дотуур байранд амьдарч байгаа нь нийт суралцагчдын 8.8% болж байна.
  • Өмчийн хэлбэрийн хувьд 80,8% нь төрийн өмчит, 19,2% нь төрийн бус өмчийн буюу хувийн өмч байгаа нь хувийн өмчийн их дээд сургуулийн оюутнуудад дотуур байр хангалтгүй байгааг харуулж байна. Дотуур байранд амьдарч байгаа оюутнуудын 5.4% нь өөрийн суралцаж байгаа сургуулийн бус бусад сургуулийн дотуур байранд амьдарч байна.
  • Монгол Улсын хэмжээнд ашиглаж буй нийт оюутны дотуур байрны 71.2% нь Улаанбаатар хотод байдаг гэсэн судалгаа бий. Мөн эдгээр  дотуур байрны насжилтыг авч үзвэл 46,2 хувь нь 1980 оноос өмнө баригдаж ашиглалтад орсон бол 25 хувь нь 1980-1990 оны хооронд ашиглалтад оржээ. Үлдсэн 25 хувь нь 2000 оноос хойш баригдаж, ашиглалтад оржээ" гэсэн.
Мөн тус тайланд “ДБСБ-ын элсэлтийн жендерийн дүн шинжилгээ”  судалгааны тайланг дараах байдлаар эшэлжээ: 
  • "Орон байрны хангамж, бусад үйлчилгээний талаарх элсэгчид, суралцагчдын сэтгэл ханамжийг тодруулсан ба Эцэг эхчүүд болон оюутнуудтай хийсэн ярилцлагад Улаанбаатар хотод сурч буй оюутны амьдрах орон байр, оюутны дотуур байрны асуудлыг хөндсөн нь түгээмэл байгааг дурджээ. Эцэг эхчүүдийн 81 хувь, оюутнуудын 64 хувь нь их, дээд сургуулиуд тэр дундаа төрийн өмчит их, дээд сургуулийн оюутны байрны хангамж, үйлчилгээнд сэтгэл дундуур байдгаа илэрхийлсэн байгааг тэмдэглэжээ."
НЭР ТОМЪЁО
Дотуур байрны үзүүлэлтийг "амьдарч байгаа" болон "саналаа өгсөн" гэсэн үзүүлэлтээр гаргадаг бөгөөд "саналаа өгсөн" гэдэг үзүүлэлтийг хэрхэн тодорхойлдог тайлбарыг тусгаагүй байна. 
ЭХ СУРВАЛЖ
Үндэсний статистикийн хороо, Боловсролын салбарын танилцуулга 2018
https://www.1212.mn/BookLibraryDownload.ashx?url=%D0%91%D0%BE%D0%BB%D0%BE%D0%B2%D1%81%D1%80%D0%BE%D0%BB%D1%8B%D0%BD%20%D1%81%D0%B0%D0%BB%D0%B1%D0%B0%D1%80%D1%8B%D0%BD%20%D1%82%D0%B0%D0%BD%D0%B8%D0%BB%D1%86%D1%83%D1%83%D0%BB%D0%B3%D0%B0-2018.pdf&ln=Mn
ДАТА Ба АМЛАЛТ
 "Дээд болон мэргэжлийн боловсрол"-ын  мөрийн хөтөлбөрт одоо байгаа оюутны дотуур байрны хүртээмж, нөхцлийг сайжруулах тодорхой амлалтыг тусгаагүй байна. Харин Засгийн газрын хөтөлбөрт орон нутаг дахь их дээд сургуулиудадд хотхон байгуулах талаар амлалт тусгажээ.