ДҮРСЛЭЛ 1: БОЛОВСРОЛ БА ЯДУУРЛЫН ХАМААРАЛ
ТАЙЛБАР
  • Дээрх дүрслэлд 21 аймаг болон Улаанбаатар хотын иргэдийн боловсролын түвшний индекс болон ядуурлын түвшинг илтгэх гурван үзүүлэлтийг харууллаа. 
  • Босоо тэнхлэгт боловсролын түвшний индекс, хөндлөн тэнхлэгт ядуурлын мэдрэмж, гүнзгийрэл болон хамрах хүрээний индексүүдийг дүрслэв.
ЗААВАР
  • Тодорхой аймгийг эсхүл Улаанбаатар хотыг тодотгон харахыг хүсвэл аймгаар хайх хэсгээс сонгоно уу.
  • Оноор гүйлгэх хэсгийг ашиглан 2016 – 2019 оны дүрслэлийг үзэж болно.
  • Дүрслэлийг download хэсгээс хүссэн форматаа сонгон татан авч болно. 
  • Заагуураа дүрслэл дээр аваачаад тухайн аймгийн болон Улаанбаатар хотын үзүүлэлтийн тоон утгыг харж болно.
ДАТА ШИНЖИЛГЭЭ
Энэхүү дүрслэлээр боловсрол ба ядуурал хоорондын харилцан хамаарлыг харуулахыг зорьсон. Дүрслэлээс үзвэл дээд боловсрол эзэмших нь ядуурлаас ангид амьдрах баталгаа болж чадахгүй байна. Энэ дүр зураг аймгуудын жишээн дээр тод харагдаж байгаа бөгөөд аймгуудын хооронд төдийлөн ялгаа ажиглагдахгүй байна. 

Тодруулбал, Улаанбаатар хот хүн амын төвлөрөл ихтэй учраас зураглал эрс ялгаатай дүрслэгдэж буйг анхаарна уу. Харин 21 аймгаас боловсролын түвшний индекс (БТИ)-ийн хувьд өндөр, ядуурал бага байгаа аймгууд бол Орхон, Дархан-Уул аймгууд байна. Бусад аймгуудын хувьд БТИ болон ядуурлын үзүүлэлтээр төдийлөн ялгагдахгүй байна. БТИ-ийн хүйсээр ангилсан мэдээллийг эндээс үзнэ үү. 
НЭР ТОМЪЁО
Боловсролын түвшний индекс: Насанд хүрсэн хүмүүсийн сургуульд суралцсан дундаж жил болон хүүхдүүдийн сургуульд суралцах дундаж жилийг тус бүр 50, 50 хувь гэж тооцон гаргадаг.
(Албан бус орчуулга: The Education Index has been measured by combining average adult years of schooling with expected years of schooling for children, each receiving 50% weighting).
Ядуурлын хамрах хүрээний индекс: Хүн амд ядуурлын шугамаас доогуур хэрэглээтэй хүн амын эзлэх хувийг харуулна.
  • ​Томъёо: Ядуурлын хамралтын хүрээний индекс (α=0) буюу ядуурлын түвшин нь нийт хүн амд ядуурлын шугамаас доогуур хэрэглээтэй хүн амын эзлэх хувийг харуулна).​
Ядуурлын гүнзгийрэлтийн индекс: Ядуурлын гүнзгийрэлтийн индекс (α=1) нь ядуу хүн амын хэрэглээний дундаж түвшин ядуурлын шугамаас хэдэн хувиар доогуур байгааг илэрхийлнэ.
  • Томъёо: Ядуурлын гүнзгийрэлтийн индекс (α=1) нь ядуу хүн амын хэрэглээний дундаж түвшин ядуурлын шугамаас хэдэн хувиар доогуур байгааг илэрхийлнэ.​
Ядуурлын мэдрэмжийн индекс: Ядуурлын мэдрэмжийн индекс (α=2) нь ядуу хүн амын дундах хэрэглээний тархалтыг харуулна. Тухайн өрхийн хэрэглээ нэмэгдсэн ч хэмжээ нь ядуурлын шугамаас доогуур байвал ядуурлын хамрах хүрээ, гүнзгийрэлт өөрчлөгдөхгүй харин ядуурлын мэдрэмж нь нэмэгдэнэ.
  • Томъёо: Ядуурлын мэдрэмжийн индекс (α=2) нь ядуу хүн амын дундах хэрэглээний тархалтыг харуулна. Тухайн өрхийн хэрэглээ нэмэгдсэн ч хэмжээ нь ядуурлын шугамаас доогуур байвал ядуурлын хамрах хүрээ, гүнзгийрэлт өөрчлөгдөхгүй харин ядуурлын мэдрэмж нь нэмэгдэнэ.
ЭХ СУРВАЛЖ
Боловсролын индекс: 
  • https://en.m.wikipedia.org/wiki/Human_Development_Index
Ядуурлын хамрах хүрээний индекс:  Ядуурлын гүнзгийрэлтийн индекс: Ядуурлын мэдрэмжийн индекс: 
ДАТА БА СОНГУУЛИЙН АМЛАЛТ
​​Ядуурлыг бууруулах талаар амласан засгийн газрын болон мөрийн хөтөлбөрийн амлалтын түүврийг "Хүний аюулгүй байдал" хэсгээс харах боломжтой. Намуудын мөрийн хөтөлбөрөөс үзвэл ядуурлыг бууруулахыг халамж, татварын хөнгөлт гэх мэт арга хэмжээг хэрэгжүүлэхийг санал болгожээ. "Дээд болон мэргэжлийн боловсрол"-ын мөрийн хөтөлбөрийн хувьд орчин нөхцлийг сайжруулах, хүртээмжийг нэмэгдүүлэх, өрсөлдөх чадварыг дээшлүүлэхэд голлон анхаарчээ.